J4K

பேசலாம் வாங்க

நோக்கம்:

இன்றைய பாடத்தின் சூழலை அமைக்க இந்தப் பகுதியைப் பயன்படுத்துவீர்கள்.

தேவையான பொருள்கள்: கீழே உள்ள படம்

செய்முறை:

மேலே உள்ள படத்தைக் காட்டி, கொடுக்கப்பட்ட காட்சியைப் பகிரவும். பின்னர் கலந்துரையாடல் கேள்வியைக் கேட்டு, அதிலுள்ள பிரச்சினையைப் பற்றி பேச சிறுவர்களை ஊக்குவிக்கவும்.

இதை பகிரவும் :- உங்கள் கண்கள் மற்றவர்களைப் பார்த்து, உங்களிடம் இருப்பதை மறந்தால், விசித்திரமான ஒன்று நடைபெறும் என்பது உங்களுக்கு தெரியுமா? உங்கள் கண்கள் கூக்லி (googly) கண்கள் போல் ஆகிவிடும் (எப்போதும் மற்றவர்களைப் பார்க்கும் கண்கள்). கூக்லி கண்கள் கொண்ட சில தலைவர்களுக்கு நடந்த காரியத்தை உங்களோடு பகிர போகிறேன். நீங்கள் தயாரா?

மனப்பாட வசனம்

கை அசைவுகள் அல்லது ஏதேனும் ஒரு செய்முறையைப் (Actions) பயன்படுத்தி பின்வரும் மனப்பாட வசனத்தை சிறுவர்களுக்குக் கற்பிக்கவும்.

பிறனுக்குள்ள யாதொன்றையும் இச்சியாதிருப்பாயாக.
[யாத்திராகமம் 20:17]

வேதாகம நிகழ்வு

வேத பகுதி: தானியேல் 6
சம்பவ சுருக்கம்:

தரியு ராஜா தனது அரசை 120 மாகாணங்களாகப் பிரிக்க முடிவு செய்தார். ஒவ்வொரு மாகாணத்தையும் ஆட்சி செய்ய ஒரு உயர் அதிகாரியை (தேசாதிபதி) நியமித்தார். பின்னர், உயர் அதிகாரிகளை கண்காணிக்கவும், ராஜாவின் நலனை பாதுகாக்கவும் 3 நிர்வாகிகளை (பிரதானிகள்) தேர்வு செய்தார். அப்படி தெரிந்தெடுக்கப்பட்ட நிர்வாகிகளில் ஒருவர் தான் தானியேல். அவர் தனது பணியில் சிறந்து விளங்கினார். எனவே, அவரை முழு சாம்ராஜ்யத்தின் மீதும் தலைவராக வைக்க ராஜா திட்டமிட்டார். இதை அறிந்த மற்ற நிர்வாகிகள் மற்றும் உயர் அதிகாரிகளுக்கு கூக்லி கண்கள் வந்தது. அவர்கள் தங்களிடம் இருந்ததை மறந்துவிட்டு தானியேலிடம் இருந்தவற்றில் கவனம் செலுத்தினர் – அவர்கள் ஏற்கனவே பெரிய தலைவர்கள் என்பதை மறந்துவிட்டனர். அவர்கள் தானியேலுக்கு எதிராக சதி செய்து அவரை சிங்கங்களின் மூலம் அழிக்க முயன்றனர். தேவன் தானியேலைக் காப்பாற்றினார். தலைவர்கள் செய்த தவறுக்காக தரியு ராஜா அவர்களைத் தண்டித்து சிங்கத்தின் குகைக்குள் தள்ளினார். அவர்களிடம் ஏற்கனவே இருந்தவற்றையும் இழந்தனர்.

செய்தி:

உங்களிடம் ஏற்கனவே பல நல்ல விஷயங்கள் உள்ளன. உங்களிடம் இருப்பதை கவனிக்காமல் மற்றவர்களைப் பார்க்கத் தொடங்கும் போது, ​​உங்களுக்கு கூக்லி கண்கள் வந்துவிடும், உங்களிடம் இருப்பதை மறந்துவிடுவீர்கள். இருப்பதை மறந்துவிட்டால், இருப்பதை இழக்க நேரிடும்.