J4K

பேசலாம் வாங்க

நோக்கம்:

இன்றைய பாடத்தின் சூழலை அமைக்க இந்தப் பகுதியைப் பயன்படுத்துவீர்கள்.

தேவையான பொருள்கள்: ஒரு வெற்று தாளில் “உனக்கு ஒரு பரிசு வைத்திருக்கிறேன். என்னிடம் கேள்” என தடிமனான எழுத்துக்களில் எழுதவும், சிறிய வெகுமதிகள் (சாக்லேட்/பிஸ்கட்)

செய்முறை:

• சிறுவர்கள் அனைவரது கையிலும் ஒரு மொபைல் இருப்பதைப் போல நடிக்க சொல்லுங்கள். அவர்கள் தலையைக் குனிந்து கற்பனை மொபைலைப் பார்த்து அதில் ஒரு கற்பனை விளையாட்டை விளையாட வேண்டும்.

• சிறுவர்கள் கற்பனை விளையாட்டில் ஆழமாக இருக்கும்போது, வெகுமதி தாளைக் காட்டுங்கள். அவர்களில் பெரும்பாலோர் தங்கள் தொலைபேசிகளில் பிஸியாக இருந்ததால் அதை தவறவிட்டிருப்பார்கள். நீங்கள் காட்டியதைக் கவனித்து வெகுமதியைக் கேட்டவர்களுக்கு மட்டும் வெகுமதியைக் கொடுங்கள்.

• அவர்களின் கற்பனை தொலைபேசிகளை மீண்டும் பயன்படுத்துவதைப் போல் நடிக்கச் சொல்லி விளையாட்டை மீண்டும் விளையாடவும். அவர்கள் எதிர்பாராத போது வெகுமதி தாளைக் காட்டவும்.

பின்பு இதை பகிரவும் :-
நீங்கள் உங்கள் மொபைலில் கவனம் செலுத்தியதால் உங்களுக்காக நான் வைத்திருந்த வெகுமதிகளைத் தவறவிட்டதை நீங்கள் கவனித்தீர்களா? மொபைலின் காரணமாக உங்கள் அன்றாட வாழ்வில் நீங்கள் இழக்கும் சில விஷயங்கள் என்ன? (சிறுவர்கள் பதில் சொல்லட்டும்) தவறான காரியத்தில் கவனம் செலுத்தியதால் இயேசு செய்ததை தவறவிட்ட சிலரைப் பற்றிய ஒரு சுவாரஸ்யமான கதையை இன்று நான் உங்களுக்குச் சொல்லப் போகிறேன். ரெடியா?

மனப்பாட வசனம்

கை அசைவுகள் அல்லது ஏதேனும் ஒரு செய்முறையைப் (Actions) பயன்படுத்தி பின்வரும் மனப்பாட வசனத்தை சிறுவர்களுக்குக் கற்பிக்கவும்.

ஒருவன் என்னிலும் நான் அவனிலும் நிலைத்திருந்தால், அவன் மிகுந்த கனிகளைக் கொடுப்பான்; என்னையல்லாமல் உங்களால் ஒன்றும் செய்யக்கூடாது. [யோவான் 15:5]

வேதாகம நிகழ்வு

வேத பகுதி: யோவான் 9
சம்பவ சுருக்கம்:

பிறப்பிலிருந்தே பார்வையற்ற ஒரு மனிதனை இயேசு கண்டார். அவன் மேல் இரக்கம் கொண்டு அவனைக் குணமாக்கினார். இயேசு குருடனை குணமாக்கியதை அன்றையபரிசேயர்கள் என்று அழைக்கப்பட்ட மதத்தலைவா்கள் சிலரால் ஏற்றுக்கொள்ள முடியவில்லை. அவர்கள் இயேசுவை ஒரு பாவியாக பார்த்தார்கள். அவர்களால் அவரை அற்புதம் செய்யும் தெய்வமாக பார்க்க முடியவில்லை. அவர்களிடம் ஆராய்ச்சி செய்ய கூகுள் இல்லை, ஆனால் அவர்கள் தங்களின் அறிவையும் பகுத்தறியும் திறமையையும் பயன்படுத்தி தங்கள் கண்களுக்கு முன்பாக இயேசு செய்ததை மறுத்தனர். ஏனென்று உனக்கு தெரியுமா? அவர்கள் கண்கள் மூடியிருந்தது. இயேசு அவர்களுக்கு ஒரு அற்புதத்தை செய்தபோதும் அவர்களால் அதைக் காண முடியவில்லை!

செய்தி:

வெளியில் இருந்து வரும் தகவல்களை (கூகுள், இன்ஸ்டாகிராம், நண்பர்கள், மொபைல் கேம்கள்) சார்ந்து நீங்கள் வாழ்க்கையை வாழும்போது, உங்கள் கண்கள் மூடின கண்களாகவே இருக்கும். உங்களுக்காகவும் உங்களைச் சுற்றிலும் இயேசு செய்யும் எல்லா நல்ல காரியங்களையும் நீங்கள் தவறவிடுவீர்கள். அதனால்தான் மொபைலில் அதிக நேரம் செலவிடுவது உங்கள் வாழ்க்கைக்கு ஆபத்தானது.