J4K

பேசலாம் வாங்க

நோக்கம்:

இன்றைய பாடத்தின் சூழலை அமைக்க இந்தப் பகுதியைப் பயன்படுத்துவீர்கள்.

தேவையான பொருள்கள்: ஒரு சுவரில் ஒட்டப்பட்ட ஒரு பெரிய வெற்று தாள்/ சார்ட் தாள்.

செய்முறை:

சிறுவர்களை ஒன்றன் பின் ஒன்றாகவோ அல்லது சிறு குழுக்களாகவோ மேடைக்கு வரச் சொல்லி, அவர்களைச் சுற்றி நடக்கும் தீமைகள்/ கெட்ட விஷயங்களை சுவரில் உள்ள வெற்றுத் தாளில் எழுத/ வரையச் சொல்லுங்கள் (உ.தா. போர்கள், வறுமை, குற்றங்கள் போன்றவை)

பிறகு இந்த இரண்டு கேள்விகளை அவர்களிடம் கேளுங்கள்:

• இந்த தீமைகளால் பாதிக்கப்பட்டவர்களுக்கு உதவ விரும்புகிறீர்களா?
• இந்த தீமைகளால் பாதிக்கப்பட்டவர்களுக்கு உங்களால் எப்படி உதவ முடியும்?

பின்பு இதை பகிரவும் :-
முந்தைய அமர்வில், மோசேயின் மூலம் தேவன் இஸ்ரவேலர்களுக்கு எப்படி சாத்தியமற்ற வழியை ஏற்படுத்தினார் என்பதைப் பற்றி கேள்விப்பட்டோம். இன்று நான் மோசேயின் ஆரம்பம் பற்றி பகிர்ந்து கொள்ள போகிறேன். மோசேக்கு அநீதி இழைக்கப்பட்ட மக்களுக்கு உதவும் இதயம் இருந்தது. அவர் அவர்களுக்கு உதவ திட்டங்களை கூட செய்தார். ஆனால் அவர் ஒரு பெரிய தவறு செய்தார். இன்று நாம் அவருடைய தவறிலிருந்து பாடம் கற்றுக் கொள்ளப் போகிறோம், மேலும் நம்மைச் சுற்றியுள்ள மற்றவர்களுக்கு நாம் எவ்வாறு சிறந்த முறையில் உதவலாம் என்பதைக் கண்டறியப் போகிறோம். நீங்கள் தயாரா? ஆரம்பிக்கலாம் வாங்க!

மனப்பாட வசனம்

கை அசைவுகள் அல்லது ஏதேனும் ஒரு செய்முறையைப் (Actions) பயன்படுத்தி பின்வரும் மனப்பாட வசனத்தை சிறுவர்களுக்குக் கற்பிக்கவும்.

பூமியைப்பார்க்கிலும் வானங்கள் எப்படி உயர்ந்திருக்கிறதோ, அப்படியே உங்கள் வழிகளைப்பார்க்கிலும் என் வழிகளும், உங்கள் நினைவுகளைப்பார்க்கிலும் என் நினைவுகளும் உயர்ந்திருக்கிறது. [ஏசாயா 55:9]

வேதாகம நிகழ்வு

வேத பகுதி: யாத்திராகமம் 2:11-4:17

சம்பவ சுருக்கம்:
மோசே எகிப்திய இளவரசியால் (பார்வோனின் மகள்) தத்தெடுக்கப்பட்டார். அவர் அரண்மனையில் வளர்ந்தார் மற்றும் சிறந்த ஆசிரியர்களால் சிறந்த எகிப்திய பள்ளியில் பயிற்சி பெற்றார். அவர் மிகவும் திறமையானவராக இருந்தார். அவருக்கு எல்லா எகிப்திய ஆடம்பரமும் வசதியும் இருந்தது. அப்படியிருந்தும் ஏதோ ஒன்று அவர் மனதை பாதித்துக் கொண்டிருந்தது. எகிப்தியர்கள் இஸ்ரவேலர்களை மிகவும் அநியாயமாக நடத்தி அவர்களை அடிமைகளாக வைத்திருந்தனர். இது மோசேக்கு மிகவும் விசனமாய் இருந்தது. அவர் ஒரு இளவரசராக இருந்ததால், எப்படியாவது அவர்களுக்கு உதவி அவர்களை எகித்தியர் கையில் இருந்து காப்பற்றவேண்டும் என்று நினைத்தார். திட்டமிட்டார் . ஏழை இஸ்ரவேலர்களுக்கு உதவ வேண்டும் என்ற பெரிய கனவு அவருக்கு இருந்தது. யாரெல்லாம் மற்றவர்களுக்கு உத வேண்டும் என்ற பெரிய கனவோடு இருக்குறீர்கள்? (சிறுவர்கள் பதிலளிக்கட்டும்)

மோசேக்கு 40 வயதாக இருந்தபோது, ​​அவர் தனது மக்களாகிய இஸ்ரவேலர்களுக்கு உதவ வழிகளைக் கண்டுபிடிக்கச் சென்றார். அவர் தனது கனவு மற்றும் அவர் தனது வாழ்க்கைக்காக பட்டியலிட்ட திட்டத்தின் மீது மிகவும் நம்பிக்கையுடன் இருந்தார். ஆனால் ஒரு பிரச்சனை இருந்தது. கடவுளிடம் பேசுவதற்குப் பதிலாக அவர் அதைச் தானாக செய் முயன்றார். என்ன நடந்தது என்று நினைக்கிறீர்கள்? அவர் ஒரு பெரிய தவறு செய்தார். ஒரு இஸ்ரவேலரை காப்பாற்ற யாரும் பார்க்காதபோது ஒரு எகிப்தியனைக் கொன்றார். இஸ்ரவேலர்களைக் காப்பாற்ற சூப்பர் ஹீரோவாகிவிட்டேன் என்று மனதில் நினைத்திருந்திருப்பர். இஸ்ரவேலர்கள் தம்மை விரும்புவார்கள், ஆதரிப்பார்கள் என்று அவர் உறுதியாக நம்பினார். ஆனால் நடந்தது அதற்கு நேர்மாறானது. இஸ்ரவேலர்கள் அவரை தலைவராக நிராகரித்தனர். அவர் எகிப்தியனைக் கொன்ற செய்தி பார்வோன் ராஜாவை எட்டியது. ராஜா அவர் மீது மிகவும் கோபம் அடைந்து கொள்ளை சேய் மோசேயை தேடினர். மோசே தனது உயிரைக் காப்பாற்ற வனாந்தரத்திற்கு ஓடினார்.
40 ஆண்டுகள் கடந்துவிட்டன. எதுவும் நடக்கவில்லை. மரியாதைக்குரிய இளவரசன் தான் செய்த தவறினால் 40 ஆண்டுகள் பாலைவன மேய்ப்பனாக ஆனார். உங்கள் வாழ்க்கைத் திட்டத்திற்காக நீங்கள் தேவனைச் சார்ந்திருக்காவிட்டால் என்ன நடக்கும் என்று நீங்கள் பார்க்கிறீர்களா?

ஆனால் மோசேயின் மனதை தேவன் அறிந்திருந்தார். மக்களுக்கு நல்லது செய்ய வேண்டும் என்ற ஆர்வத்தை தேவன் கன படுத்துகிறார். எனவே, தேவன் வனாந்தரத்தில் மோசேயைச் சந்தித்து, திரும்பிச் எகிப்துக்கு சென்று இஸ்ரவேலர்களை எகிப்தியர்களிடமிருந்து காப்பாற்றும்படி கேட்டார். மோசே பயந்தார். 40 ஆண்டுகள் கடந்துவிட்டாலும், நிராகரிப்பு மற்றும் வலியின் நினைவுகளை அவர் மறக்கவில்லை. ஆனால் தேவன் மோசேயை இரண்டாவது முறையாக முயற்சி செய்ய ஊக்குவித்தார். இந்த முறை தன்னை சார்ந்து திட்டங்களை செய்யும்படி சொன்னார். மோசே வெற்றி பெற்றார் என்று நினைக்கிறீர்களா? ஆம்! மோசே வரலாற்றில் தலைசிறந்த தலைவர்களில் ஒருவரானார். 6 லட்சம் பேரை அடிமைத்தனத்திலிருந்து விடுவித்தார். கடந்த அமர்வில் நாம் கேட்டது போல் – செங்கடலைப் பிளந்ததுப் போன்ற வலிமையான அற்புதங்களை தேவன் அவர் மூலம் செய்தார். இஸ்ரவேலர்களைக் காப்பாற்ற வேண்டும் என்ற அவரது கனவுகள் தேவனின் உதவியால் நனவாகின.

பெரிய பிள்ளைகளுக்கான செய்தி:
உங்கள் குடும்பம், நண்பர்கள் அல்லது சமூகத்திற்கு உதவ பெரிய திட்டங்கள் உங்களிடம் உள்ளதா? தேவன் அத்தகையவர்களை நேசிக்கிறார். அதில் உங்களுக்கு உதவவும் விரும்புகிறார். அவரை சார்ந்து திட்டமிடுவீர்களா?

சிறு பிள்ளைகளுக்கான செய்தி:
உங்களைச் சுற்றியுள்ளவர்களுக்கு நல்லது செய்ய விரும்புகிறீர்களா? அதை இயேசுவிடம் சொல்லுங்கள். மற்றவர்களுக்கு உதவ அவர் உங்களுக்கு உதவுவார்.