J4K

பேசலாம் வாங்க

நோக்கம்:

இன்றைய பாடத்தின் சூழலை அமைக்க இந்தப் பகுதியைப் பயன்படுத்துவீர்கள்.

தேவையான பொருள்கள்: ஒன்றுமில்லை

செய்முறை:

பின்வரும் விவாதக் கேள்விகளுடன் இன்றைய அமர்வைத் தொடங்கவும்:

• உங்களில் எத்தனை பேருக்குக் கீழ்ப்படிய பிடிக்கும்?
• உங்களுக்குக் கீழ்ப்படிய எளிதான சில விஷயங்கள் என்ன?
• உங்களுக்குக் கீழ்ப்படிய சில கடினமான விஷயங்கள் என்ன?

பின்பு இதை பகிரவும் :-
வாழ்க்கையின் வெற்றிக்கான ஒரு பெரிய ரகசியத்தை இன்று நான் உங்களுக்குச் சொல்லப் போகிறேன். வாழ்வதற்கு இதுவே சிறந்த வழி. நீங்கள் கேட்க தயாரா? ஆரம்பிக்கலாம் வாங்க!

மனப்பாட வசனம்

கை அசைவுகள் அல்லது ஏதேனும் ஒரு செய்முறையைப் (Actions) பயன்படுத்தி பின்வரும் மனப்பாட வசனத்தை சிறுவர்களுக்குக் கற்பிக்கவும்.

கர்த்தர், “நீ வாழவேண்டிய வழியை உனக்கு போதித்து வழிநடத்துவேன். உன்னைக் காத்து உனக்கு வழிகாட்டியாயிருப்பேன் என்று கூறுகிறார். [சங்கீதம் 32:8]

வேதாகம நிகழ்வு

வேத பகுதி: ஆதியாகமம் 11:27 – 12:9

சம்பவ சுருக்கம்:
ஆபிரகாம் என்றவர் ஊர் என்ற இடத்தில் வாழ்ந்த தேராகுவின் மகன் ஆவார். ஊரில் தான் அவர் வளர்ந்தார் மற்றும் அவரது அழகான மனைவி சாராய் என்பவரை திருமணம் செய்தார். தன தகப்பனான தேராகுவுக்குத் தன் குடும்பத்தை கானானுக்கு தேசத்திற்கு அழைத்துச் செல்ல வேண்டும் என்று தெரிந்திருந்தது (ஆதியாகமம் 11:31). இது தேவனின்பெரிய திட்டமாய் இருந்தது (ஆதியாகமம் 15:7). ஆனால் தேராகு கானானுக்கு செல்லும் வழியில் இருந்த ஆரானில் குடியேறினார். அவர் 205 ஆண்டுகள் வாழ்ந்து ஆரானில் இறந்தார்.

தேவன் ஆபிரகாமிடம், “உன் நண்பர்களையும் குடும்பத்தாரையும் விட்டுவிட்டு நான் உனக்குக் காண்பிக்கும் இடத்திற்குப் போ. நான் உன்னை ஆசீர்வதித்து உன்னைப் பெரிய தேசமாக்குவேன்” என்று கூறினார். அந்த நேரத்தில் ஆபிரகாம் நிறைய வேலையாட்களுடன் நன்கு குடியேறியிருந்தார். அவரது நண்பர்கள் மற்றும் குடும்பத்தினர் அனைவரும் ஆரானில் இருந்தனர். அவரும் வாலிபர் இல்லை. அவருக்கு வயது 75.

தேவனுக்குக் கீழ்ப்படியாததற்கு ஆபிரகாமுக்கு எல்லா காரணங்களும் இருந்தன. ஆனால் அவர் கீழ்ப்படிந்தார். அவர் எந்த கேள்வியும் கேட்கவில்லை. அவர் சாக்கு சொல்லவில்லை. அவர் தன் மனைவியையும், அவருடைய மருமகன் லோத்தையும், அவருடைய வேலைக்காரரையும் கூட்டிக்கொண்டு, தேவன் தனக்குக் காட்டிய இடமான கானானுக்குச் சென்றார். அவர் முதலில் சீகேமிலும், பிறகு பெத்தேலிலும் குடியேறினார்.

தேவன் தனக்கு கீழ்ப்படிந்த ஆபிரகாமுக்கு என்ன செய்தார் தெரியுமா? ஆபிரகாமுக்கு வாக்களித்ததைப் போலவே தேவன் அவரை ஆசீர்வதித்தார் – ஒரு பெரிய தேசமாக ஆக்கினார். இஸ்ரவேல் என்ற நாட்டைப் பற்றி கேள்விப்பட்டிருக்கிறீர்களா? ஆபிரகாம் அவர்கள் அனைவருக்கும் மூதாதையர். அவர் பல நாடுகளின் தந்தையாக இருப்பார் என்றும் தேவன் அவருக்கு வாக்குறுதி அளித்தார். தேவன் சொன்னது போலவே நடந்தது – அவர் இஷாமாலியர்களின் தந்தையானார் (ஆதியாகமம் 25:12-18, இன்றைய அரேபியர்கள்), ஏதோமியர்கள் (ஆதியாகமம் 36:1-43), அமலேக்கியர்கள் (ஆதியாகமம் 36:12-16), கெனிசியர்கள் (ஆதியாகமம்). 36:9-16), மீதியானியர்கள் மற்றும் அசீரியர்கள் (ஆதியாகமம் 25:1-5).

செய்தி: தேவனனுக்குக் கீழ்ப்படிவதே வாழ்வதற்குச் சிறந்த வழி. “தேவன் என்னிடம் என்ன கேட்கிறார் என்பதை எப்படி கண்டுபிடிப்பது?” என்று நீங்கள் கேட்கலாம். “வேதம்” என்பது பதில். வேதாகமம் தேவனின் வார்த்தை. உங்கள் இதயத்தில் ஒரு சிறிய பிரார்த்தனை செய்யுங்கள், ​​”இன்று நான் என்ன செய்ய வேண்டும் என்பதை இயேசப்பா எனக்குக் காட்டுங்” பின்னர் உங்கள் வேதத்தைப் படியுங்கள், தேவன் உங்கள் இதயத்துடன் பேசுவார். நீங்கள் ஒரு குரலைக் கேட்காமல் இருக்கலாம், ஆனால் என்ன செய்வது என்று உங்கள் இதயம் அறியும். மந்திரம் போல் தெரிகிறது, இல்லையா? நீங்கள் ஏன் இன்று முயற்சி செய்யக்கூடாது?