J4K

புத்திசாலியான காகம், முயலும் ஆமையும், சிங்கமும் எலியும் என்ற பல நீதிக் கதைகளைச் சிறுவர்கள் கேட்டிருப்பார்கள். வேதத்திலும் வெற்றியுள்ள வாழ்க்கைக்குத் தேவையான அநேக நீதி போதனைகள் உள்ளன என்று எடுத்துக் காட்டும் பாடத் திட்டம் தான் – வெற்றிக்கான வழி – நீதிக் கதைகள் (பாகம் 1). தேவனை அறியாத ஒரு சாதாரண மனிதன் கூட இப்போதனைகளை கடைப்பிடித்தால் வாழ்வில் வெற்றி பெறுவார்கள் என்பதில் சந்தேகம் ஏதும் இல்லை.

இப்பாடத் திட்டம் தேவனையும் தேவனோடு உள்ள உறவையும் மையப் படுத்தாமல் சக மனிதர்களோடு உள்ள உறவைப் பற்றி அதிகம் விளக்குகிறது. எனவே இதை ஒரு பொது ஸ்தலத்தில் சிறுவர் பள்ளியைத் துவங்கச் சிறந்த துவக்கியாகப் பயன்படுத்தலாம். முதிர்ந்த சிறுவர் பள்ளியில் உள்ள சிறுவர்களுக்கும் இந்த பாடங்கள் பிரயோஜனமாய் இருக்கும்.