J4K

மனப்பாட வசனம்

கை அசைவுகள் அல்லது ஏதேனும் ஒரு செய்முறையைப் (Actions) பயன்படுத்தி பின்வரும் மனப்பாட வசனத்தை சிறுவர்களுக்குக் கற்பிக்கவும்.

எல்லாவற்றிலேயும் நன்றி சொல்லுங்கள். [1 தெசலோனிக்கேயர் 5:18]

வேதாகம நிகழ்வு

வேத பகுதி: லூக்கா 17:11-19

சம்பவ சுருக்கம்:
சமாரியர்கள் புறக்கணிக்கப்பட்டவர்களாக கருதப்பட்டனர். அவர்களது அண்டை வீட்டாரான யூதர்கள் அவர்களுடன் எந்த விதமான தொடர்பும் கொண்டிருக்கவில்லை.

இச்சம்பவத்தின் போது குஷ்டரோகம் என்பது குணப்படுத்த முடியாத நோயாக இருந்தது. தொழுநோயாளிகள் ஊருக்கு வெளியே தனிமைப்படுத்தப்பட்ட இடங்களில் தனிமையில் வாழ வைக்கப்பட்டனர்.

​​குஷ்டரோகத்தால் பாதிக்கப்பட்ட ஒரு சமாரியனை உங்களால் கற்பனை செய்ய முடிகிறதா? அவர் வாழ்க்கை எவ்வளவு கஷ்டமாகவும் தனிமையாகவும் இருந்திருக்கும், இல்லையா? அப்படிப்பட்ட ஒருவரைப் பற்றித்தான் இன்று நாம் தெரிந்துகொள்ளப் போகிறோம்.

அவர் தன் வாழ்க்கையை பற்றி முணுமுணுக்க அநேக ஞாயமான கரணங்கள் இருந்தன. ஆனால் அவர் வேற மாறி வாழ்ந்தார். மற்றவர்கள் ஏன் உன்னைப்போல் செய்யவில்லை என்று இயேசப்பா அவரை பார்த்து கேட்கும் அளவு ஒரு ஆச்சரியமான நல்ல விஷயத்தை அவர் செய்தார். அதை பற்றி கேட்க நீங்க ரெடியா?

<இயேசுவால் குணமாக்கப்பட்ட 10 குஷ்டரோகிகளின் சம்பவத்தை பகிர்ந்து கொள்ளுங்கள். முணுமுணுக்க எல்லா காரணங்களும் இருந்தாலும், இயேசுவுக்கு நன்றி தெரிவித்தவர் பற்றி அதிகம் சொல்லுங்கள்>

பேசலாம் வாங்க

கீழே கொடுக்கப்பட்ட கேள்விகளை கொண்டு சிறுவர்களை கலந்துரையாட உற்சாகப்படுத்துங்கள். பின்னர் அர்ப்பண ஜெபத்தில் சிறுவர்களை நடத்தி, இப்பகுதியை நிறைவுச் செய்யுங்கள்.

• சமாரியன் முணுமுணுக்ககூடிய சில நியாயமற்ற கரணங்கள் என்ன?
• சமாரியன் என்ன செய்யத் தேர்ந்தெடுத்தார்? முணுமுணுவா அல்லது நன்றி சொல்லவா?
• நீங்கள் நன்றி சொல்வதால் என்ன நடக்கும்?