J4K

மனப்பாட வசனம்

கை அசைவுகள் அல்லது ஏதேனும் ஒரு செய்முறையைப் (Actions) பயன்படுத்தி பின்வரும் மனப்பாட வசனத்தை சிறுவர்களுக்குக் கற்பிக்கவும்.

மனுஷர் முன்பாக என்னை அறிக்கை பண்ணுகிறவன் எவனோ, அவனை நானும் பரலோகத்திலிருக்கிற என் பிதாவின் முன்பாக அறிக்கைப் பண்ணுவேன். [மத்தேயு 10:32]

பேசலாம் வாங்க

நோக்கம்:

இன்றைய பாடத்தின் சூழலை அமைக்க இந்தப் பகுதியைப் பயன்படுத்துவீர்கள்.

தேவையான பொருள்கள்: ஒரு சிறிய பெட்டியை அலங்கரித்து அதில் “இழந்து கண்டுபிடிக்கப்பட்டது (Lost and found)” என்று எழுதவும். மற்றொரு காகிதத்தில் “தேவன்” என்று எழுதி பெட்டியின் உள்ளே வைக்கவும்.

செய்முறை:

இது உட்பட 5 வாரங்களில், கணத்தை இழந்த 5 முக்கியமான விஷயங்களைப் பற்றி விவாதிக்கப் போகிறீர்கள் என்று சிறுவர்களுக்குச் சொல்லுங்கள். இந்த முக்கியமான விஷயங்கள் சாதாரண மனிதர்களை அசாதாரணமாக உருவாக்குகின்றன. உங்கள் சிறுவர்கள் சிறந்த மனிதர்களாக மாறுவதற்கு இந்த சாத்தியங்களை கவனமாக கேட்க ஊக்கப்படுத்துங்கள்.

பெட்டியைக் காட்டி, பெட்டியில் முதல் இழந்த பொருள் என்ன என்று யூகிக்கச் சொல்லுங்கள். சிறுவர்கள் சில பதில்கள் சொன்னதற்கு பின், உள்ளே என்ன இருக்கிறது என்பதைக் காட்டி, பின்வரும் அறிமுகத்தைப் பகிர்ந்து கொள்ளுங்கள்:

வேதாகம நிகழ்வு

வேத பகுதி: யோவான் 9:1-38

சம்பவ சுருக்கம்:
பிறப்பிலிருந்தே பார்வையற்ற ஒரு மனிதனை இயேசு கண்டார். 40 வருடங்களாக அவரால் பார்க்க முடியவில்லை. அதை உங்களால் கற்பனை செய்ய முடிகிறதா? இயேசு அவரிடம் போய், சேற்றில் ஒரு பேஸ்ட்டை உருவாக்கி அந்த மனிதனின் கண்களில் வைத்தார். பின்னர் அவர் சிலோயாம் குளத்திற்கு நடந்து சென்று அதைக் கழுவச் சொன்னார். அந்த மனிதர் கீழ்ப்படிந்தார். இயேசு சொன்னது போலவே அவர் பூரண குணமடைந்தார். 40 ஆண்டுகளுக்குப் பிறகு அவர் பார்க்க முடிந்த மகிழ்ச்சியை உங்களால் கற்பனை செய்ய முடிகிறதா?

அவரை பார்த்த அக்கம் பக்கத்தினர் அதிர்ச்சி அடைந்தனர். “நீ குருடன் இல்லையா? உனக்கு எப்படித் கண் பார்வை வந்தது?” என்று கேட்டனர். இது தான் சுவாரசியமான பகுதி – அந்த மனிதன் “சரி, நான் சிலோம் குளத்திற்கு வெகுதூரம் நடந்து சென்று அங்கு கழுவினதாலே நான் குணமடைந்தேன்” அல்லது “ஓ அது ஒயூனும் இல்லை. தற்சயலாக நடந்தது” அல்லது “ஒரு மந்திரம் நடந்தது” என்று சொல்லியிருக்கலாம். ஆனால் அவர் கூறியது இதோ – “இயேசு என்னப்பட்ட ஒருவர் சேறுண்டாக்கி, என் கண்களின்மேல் பூசி, நீ போய் சீலோவாம் குளத்திலே கழுவு என்றார். அப்படியே நான் போய்க் கழுவி, பார்வையடைந்தேன்” (யோவான் 9:11)

அவர் தேவனை எப்படி கனம் பேணினார் என்று பார்த்தீர்களா? அவர் தனது இதயத்தில் மட்டும் இயேசுவுக்கு நன்றி சொல்லவில்லை, ஆனால் அவர் தனது நண்பர்கள் மற்றும் அண்டை வீட்டாரிடம் இயேசு தன்னைக் குணப்படுத்தினார் என்றும் அது ஒரு தற்செயல் நிகழ்வு அல்ல, ஒரு அதிசயம் என்றும் கூறினார். துரதிர்ஷ்டவசமாக, அது அவருக்கு உதவவில்லை. இயேசுவை விரும்பாத பலசாலிகள் இருந்தனர். இயேசு அவரைக் குணமாக்கியதை மறுக்குமாறு அவரையும் அவருடைய பெற்றோரையும் சொன்னார்கள். அந்த மனிதனின் பெற்றோர் அவர்களுக்குப் பயந்தார்கள், அதனால் அவர்கள் தேவனுக்கு கனம் கொடுக்கவில்லை. ஆனால் இந்த மனிதர் மிகவும் தைரியமாக இருந்தார், அவர் “நான் குருடனாக இருந்தேன், ஆனால் இப்போது நான் இயேசுவால் பார்க்கிறேன்” என்று கூறினார். எதிர்பார்த்தது போலவே அவர் சமுதாயத்தை விட்டு வெளியேற்றப்பட்டார்.

இயேசு அதைக் கேள்விப்பட்டு, சென்று அவரைக் கண்டார். மற்ற யாருக்கும் கிடைக்காத ஒரு ஆசீர்வாதத்தை இயேசு அவருக்குக் கொடுத்தார் – பரலோகத்தில் தனக்கு ஒரு இடத்தைக் கொடுக்கக்கூடிய மெசியாவாக அவர் தன்னை வெளிப்படுத்தினார். அந்த மனிதர் மிகவும் மகிழ்ச்சியடைந்து இயேசுவை வணங்கினார் .

உங்கள் இதயத்தில் நன்றியுடன் இருப்பதன் மூலம் மாத்திரம் அல்ல இயேசு உங்களுக்கு உதவுகிறார் என்று உங்களைச் சுற்றியுள்ள மற்றவர்களிடம் வெளிப்படையாக அறிவிப்பது மூலம் நீங்கள் தேவனை கனப்படுத்துகிறீர்கள். உங்கள் நண்பர்கள் சிலர் உங்களைப் பார்த்து சிரிக்கலாம். ஆனால் இயேசு சொன்னதை நினைவில் வையுங்கள்.
“மனுஷர் முன்பாக என்னை அறிக்கை பண்ணுகிறவன் எவனோ, அவனை நானும் பரலோகத்திலிருக்கிற என் பிதாவின் முன்பாக அறிக்கைப் பண்ணுவேன். மனுஷர் முன்பாக என்னை மறுதலிக்கிறவன் எவனோ, அவனை நானும் பரலோகத்திலிருக்கிற என் பிதாவின் முன்பாக மறுதலிப்பேன். [மத்தேயு 10:32,33]”