✨அத்தியாயம் 4 – அன்பு

நேரம்: 20 நிமிடங்கள்: [✨]
வேதாகமப் பகுதி: ஆதியாகமம் 1:27; ஆதியாகமம் 2:18–24
செயற்பாடு: கதை நேரம் (Story Time)

சம்பவ சுருக்கம்:
தேவன் ஒரு அழகான தோட்டத்தை உருவாக்கி அதில் ஆதாமை வசிக்கச் செய்தார் . ஆதாம் பல விலங்குகள் மத்தியில் இருந்தான்.
“சில விலங்குகளின் பெயர்களை உங்களால் சொல்ல முடியுமா?”
(புலி, சிங்கம், நாய் குட்டி, பூனை குட்டி போன்றவை.)

ஆதாம் தோட்டத்தில் மகிழ்ச்சியாக இருந்தான்; ஆனாலும் தேவன் ஒரு முக்கியமான விஷயத்தை அறிந்திருந்தார்—ஆதாமுக்கு சக நபர் தேவை என்று. அதனால் தேவன் ஆதாமை ஆழ்ந்த நித்திரையில் ஆழ்த்தி, ஏவாளை உருவாக்கினார். ஆதாம் ஏவாளை பார்த்தபோது, மிகவும் மகிழ்ச்சியடைந்தான்.

ஆதாம் ஏவாள் இருவரும் அந்தத் தோட்டத்தில் மகிழ்ச்சியாக இருந்தார்கள். தேவன் அவர்களுடன் இருந்ததார். தேவன் அவர்களுடன் பேசி நேரம் செலவிட்டு வந்தார்.

தேவன் நம்மை தனியாக இருக்கும்படி படைக்கவில்லை. அதனால்தான் அவர் உங்களுக்கு அம்மா, அப்பா, சகோதரர்கள், சகோதரிகள், தாத்தா, பாட்டி, நண்பர்கள், ஆசிரியர்கள் என்ன அனைவரையும் கொடுத்துள்ளார். அனைவரும் எல்லா நேரமும் உங்களுக்கு பிடித்தவர்களாக கூட இல்லாமல் இருக்கலாம். ஆனால் அவர்கள் அனைவரும் நமக்கு தேவை என்பதை தேவன் அறிந்திருக்கிறார்.

ஆதாம் ஏவாள் போல நமக்கும் தேவன் நம்மோடு கூட இருப்பதும் தேவை.

“நமக்காக மனிதர்களைக் கொடுத்து , நம் அருகில் இருக்கும் தேவனுக்கு நன்றி சொல்லலாமா?”
(சிறுவர்களைச் சேர்த்து ஒரு சிறிய ஜெபத்தை நடத்துங்கள்.)

நேரம்: 20 நிமிடங்கள் [✨]

செயற்பாடு:

வகுப்பில் ஒரு பந்தை சுற்றி கொடுங்கள். ஒரு பிள்ளைக்கு பந்து கிடைக்கும் போது, நண்பனுடன் இருந்த ஒரு மகிழ்ச்சியான தருணத்தை பகிரச் சொல்லுங்கள் — அவர்கள் என்ன விளையாடினார்கள், எங்கே சென்றார்கள், அல்லது ஒன்றாக என்ன மகிழ்ந்தார்கள் என்பதை சொல்லட்டும்.