✨அத்தியாயம் 2 – குடும்பம் தேவனை மறுத்தது

10 mins:   [✨✨]

செயல்பாடு:

கடந்த அமர்வின் வீட்டுப்பணியான, வண்ணம் தீட்டிய படத்தை சிறுவர்களை மற்றவர்களுடன் பகிர்ந்து காட்டச் சொல்லுங்கள்.

ஒவ்வொரு சிறுவரும் தங்கள் படத்தை காட்டும்போது அவர்களை ஊக்கப்படுத்தி, அந்தப் படத்தைப் பற்றி சில கேள்விகள் கேட்டு, முந்தைய அமர்வின் செய்தியை மீண்டும் அவர்களுக்கு நினைவூட்டுங்கள்.

நேரம் இருந்தால், அனைவரும் சேர்ந்து “Block Pannaathe” பாடலைப் பாடலாம்.

இன்றைய பாட இணைப்பு:
“இன்றைய அமர்வில், ஒரு குடும்பம் எவ்வாறு தேவனுக்கு ‘Yes’ என்று சொல்ல முடியும் என்பதையும்—ஒருவர் தேவனுக்கு ‘No’ என்று சொன்னால் என்ன நிகழலாம் என்பதையும் நாம் கற்றுக்கொள்ளப் போகிறோம்.”

20 mins:   [✨]

வேதாகமப் பகுதி: ஆதியாகமம் 4:1–16
வேதாகம நிகழ்வு: காயீன் மற்றும் ஆபேல்

காயீன் வயலில் வேலை செய்து காய்கறிகளை விளைவித்தான் . 🌱
ஆபேல் ஆடுகளை மேய்த்தான். 🐑

ஒருநாள், இரு சகோதரர்களும் தேவனுக்குக் காணிக்கை கொண்டு வந்தார்கள்.

காயீன் சரியான செயல்களைச் செய்து கொண்டிருக்கவில்லை (ஆதியாகமம் 4:7). அவன், தன் வயலில் இருந்த சில காய்கறிகளை காணிக்கையாக கொண்டு வந்தாலே போதும் என்று நினைத்தான்.

ஆனால், தேவன் நம்முடைய காணிக்கையை மட்டும் பார்ப்பதில்லை, தேவன் நம்முடைய இருதயத்தையும் பார்க்கிறார். 💛
காயீனின் இருதயம் சரியாக இல்லை என்று தேவன் கண்டார். அதனால், அவர் காயீனின் காணிக்கையை ஏற்றுக்கொள்ளவில்லை.

ஆபேல், தேவனை நேசித்து, சரியானதைச் செய்ய முயன்றான். அவனும் தேவனுக்குக் தன் காணிக்கையை கொண்டு வந்தான்.

ஆபேலின் காணிக்கைக்கு தேவன் என்ன சொன்னார் என்று நினைக்கிறீர்கள் — “Yes” அல்லது “No”?

தேவன் “Yes!” என்றார். 😊
ஆபேலின் இருதயம் சரியாக இருந்ததால், தேவன் அவனுடைய காணிக்கையை மகிழ்ச்சியுடன் ஏற்றுக்கொண்டார்.

இதினால், காயீன் மிகவும் கோபமடைந்தான். தேவன் தன் சகோதரனின் காணிக்கையை ஏற்றுக்கொண்டு, தன்னுடையதை ஏற்றுக்கொள்ளவில்லை என்பதால், அவன் மிகவும் வருந்தினான். தேவன் காயீனிடம் அன்பாக, “நீ சரியானதைத் செய்ய தேர்ந்தெடுத்திருந்தால் , நீயும் ஏற்றுக்கொள்ளப்படுவாய்,” என்றார்.

ஆனால், காயீன் தேவனுடைய வார்த்தையை கேட்கவில்லை. அவன் மீண்டும் தேவனுக்கு “No” என்று சொல்லத் தேர்ந்தெடுத்தான். அவன் தனது கோபத்தில், தன் சகோதரனையே காயப்படுத்தினான்.

நாம் ஒன்றாக சிந்திப்போம் 🤔

• வீட்டில் எது உங்களை மிகவும் கோபப்பட செய்யும்?
  உங்களுக்கு கோபம் வந்தால், நீங்கள் என்ன செய்வீர்கள்?
• நீங்கள் கோபத்தில் இருக்கும் போது தேவனுக்கு “Yes” என்று எப்படி சொல்லலாம்?
• நீங்கள் காயீன் போல இருக்க விரும்புகிறீர்களா? அல்லது ஆபேல் போல இருக்க விரும்புகிறீர்களா?

குறிப்பு: இந்த வயது சிறுவர்களுக்கு கற்பிக்கும் போது கொலை என்ற சொல்லை பயன்படுத்த வேண்டாம். காயீன் தனது சகோதரனை காயப்படுத்தினான் என்று சொல் மட்டும் போதுமானது.

5 mins:   [✨]

சிறுவர்களிடம் சொல்லுங்கள்: அடுத்த அமர்வில், சமுதாயத்திலுள்ள நண்பர்களாக நாம் தேவனுக்கு எப்படி “Yes” சொல்லலாம் என்று கற்று கொள்ளவோம். அடுத்த அமர்வுக்கு முன்பு, இந்த வீட்டு பணியை முடிக்க வேண்டும்:

👉 நீங்கள் கோபப்படும்போது குறைந்தது ஒருமுறையாவது தேவனுக்கு “Yes” என்று சொல்லுங்கள்.

குறிப்பு: வரும் வாரத்தில், தினமும் அவர்கள் தேவனுக்கு எப்படி “Yes” என்று சொல்கிறார்கள் என்பதை பெற்றோர்கள் சிறுவர்களிடம் இருந்து கேட்டு அறிந்து கொள்ள உற்சாகப்படுத்துங்கள் .